Vila de Cruces fará un recoñecemento ao traballo dos funcionarios xubilados dende 2019

O goberno decidiu que "é un deber recoñecer o traballo realizado durante anos por Margarita Martínez Ruiz, Fernando Barcala Vilela, José Ramón Rodríguez Louzao e Luís Gómez Pérez.
Redacción
diciembre 21, 2021

O 23 de decembro ás 13:00 horas o salón de plenos do Concello de Vila de Cruces será o escenario dun acto de recoñecemento ao traballo destes 4 funcionarios que se xubilaron desde o ano 2019, “algúns con máis de 40 anos de dedicación profesional”.

“É toda unha vida ao servizo do Concello, da vila e das necesidades dos cidadáns, cada un nos vosos servizos”, afirman o alcalde a trravés dun comunicado.

“Para nós”, engade, “é importante agora que finalizastes a vosa etapa laboral, ter un instante para agradecervos o traballo realizado. O servizo público é enormemente valioso”.

Afirma que “en 40 anos de concellos democráticos a vila transformouse notablemente e, todo iso, ten moito que ver coa actividade que vós desempeñastes. Agora correspóndenos recoñecelo e agradecelo en nome dos cidadáns e da Corporación Municipal. Que esta nova etapa sexa moi feliz”, sinalou o alcalde.

Novas relacionadas

O PSOE cifra en 2,5 millóns as axudas directas do goberno central para o sector lácteo en Lalín

O PSOE cifra en 2,5 millóns as axudas directas do goberno central para o sector lácteo en Lalín

Alba Forno cualificou como “histórica para o sector” esta liña de apoio e subliñou a aposta decidida do goberno de Pedro Sánchez para articular respostas coas que facer fronte ao actual escenario de crise na agricultura e a gandaría. Fronte a isto, a secretaria xeral dos socialistas lalinenses denuncia “a parálise da Xunta” e lembra que “a día de hoxe non hai publicada no DOG ningunha medida a favor dos gandeiros”.