Chégannos hoxe estas imaxes que xa están circulando por algunhas redes sociais.
O vídeo está supostamente gravado a pasada madrugada na rúa Luís Gonzalez Taboada, nunha das zonas que adoita congregar un maior número de persoas nas noites de marcha. E a de onte érao.
Nel pode verse a un numeroso grupo de mozos e mozas que animan, berran e aplauden aos ocupantes dun vehículo que deciden abandonar o lugar “queimando roda”, como adoita dicirse.
Talvez non é o mellor xeito de irse dun sitio en coche no medio da noite. Ás molestias do ruído e á contaminación, súmase unha manobra que podería chegar a ser bastante perigosa…
