“De caos en caos”. Así é, segundo o PSOE local, como se está xestionando o Concello de Rodeiro.
Ademais do “desastre no eido económico”, agora alertan de que “o problema vén da man dunha das obras estrela dos últimos tempos; a remodelación da rúa AviadorGumersindo Areán“.
Tal e como denuncia o PSOE de Rodeiro, trátase dun proxecto “necesario e fundamental para humanizar o centro urbano da vila que, sen embargo, tal e como se está executando vai derivar nun auténtico caos de tráfico”.
Desta volta, o problema vén dado porque a rúa está previsto que quede cunha única dirección para o tráfico. A elixida é a dirección Río, é dicir, os coches poderán acceder á Gumersindo Areán dende a rotonda da estrada principal de Rodeiro, pero non ao revés, dende a Torrevella ata o centro do pobo. “¿Que suporá iso? Que todo o tráfico pesado que veña pola estrada de Río, dende tractores e demáismaquinaria agrícola ata camións e trailérs, terán que ir saír obrigatoriamenteao cruce da casa consistorial, é dicir, á beira do bar Estraloxo“.
Preguntan se o goberno local é consciente o goberno local desta circunstancia e como pensa que vai poder xirar o tráfico pesado en dirección Chantada en plena estrada xeral?
O secretario xeral local dos socialistas de Rodeiro, José Luis Camiñas, sinala: “Imos de caos en caos. Non hai anticipación nin previsión ante problemascomo este do tráfico pesado, que son fundamentais. Ao PSOE parécelle imprescindible, urxente e necesario que se invista no casco urbano, no núcleo que cohesiona o noso concello e é un motor de servizos e emprego no pequeno comercio, pero as obras teñen que mellorar a vida dos cidadáns, non empeorala”.
A ese respecto, Camiñas sinala que o problema co tráfico pesado “non só supón un prexuízo insalvable para o tráfico, senón tamén para os propios veciños da vila, que van atoparse con camións e tráilers atravesados no cruce do Estraloxo a cada paso”.
As obras feitas cos cartos dos cidadáns, engade Camiñas,”teñen que ser unha oportunidade para mellorar a vida dos veciños. Pero o goberno local deRodeiro ten o dubidoso mérito de convertelas nun problema para oscidadáns“.
De aí que o PSOE inste a cambiar xa o proxecto e lle recorde ao executivo local que lle tenderon a man para facer un goberno de concentración ate as eleccións que poña freo ao caos no que Rodeiro está instalado.
O PSOE de Rodeiro lembra que a obra da rúa Aviador Gumersindo Areán conta con orzamento salientable, de 449.671 euros, dos que 404.794 proceden del plan provincial ReacPon da Deputación de Pontevedra e os 44.867 restantes, de fondos municipais. Pero, aínda que é a Deputación quen pon prácticamente todo oinvestimento da actuación, é o Concello o que elabora o proxecto que se leva a cabo e que o PSOE urxe que se modifique antes de que cristalice a desfeita que se está fraguando actualmente.
