A Deputación de Pontevedra mobiliza este 2022 preto de 2,5 millóns de euros (2.481.074€) para o Plan de Cofinanciamento dos Servizos Sociais Comunitarios Municipais dos 51 concellos de menos de 20.000 habitantes. A Xunta de Goberno vén de aprobar hoxe as bases deste plan.
O investimento en Deza acada os 254.598 euros distribuidos do seguinte xeito:
Agolada, 50.633€
Dozón, 41.867€
Rodeiro, 32.899€
Silleda, 68.354€
Vila de Cruces 60.844€
A presidenta Carmela Silva, subliñou que a principal novidade neste 2022 estará no apartado do persoal, no que a Deputación estenderá o financiamento do perfil da persoa auxiliar administrativa a todos os concellos, “contribuíndo así a axilizar os procesos administrativos dos Servizos Sociais Comunitarios que se atopan desbordados, moito máis agora que aínda estamos a sufrir a Covid e as súas consecuencias”. Esta modificación beneficia, por exemplo, ao concello de Rodeiro.