A adxudicataria do SAF de Silleda pide a resolución do contrato ao non poder asumir os seus custes

A medida farase efectiva a finais deste mes. O goberno municipal garantiza a prestación do servizo e busca a mellora formula tanto para as traballadoras da empresa como para as persoas usuarias.
Redacción
enero 21, 2022

O Concello de Silleda vén de desvincularse da empresa que tiña adxudicado o Servizo de Axuda no Fogar (SAF). A firma Pedroso y Rojas presentou un escrito solicitando a resolución do contrato pola imposibilidade de asumir o seu custe económico, e que se fará efectiva o vindeiro luns día 31.

O alcalde, Manuel Cuiña, e a concelleira de Benestar, Ángela Troitiño, mantiveron un encontro cos responsables da empresa, que amosaron a súa vontade de cooperar e trasladarao Concello de Silleda á maior brevidade toda a documentación relativa ao personal.

“Dende o Concello estamos xa a traballar na mellor solución tanto para as traballadoras do servizo como para as persoas usuarias”, indica o alcalde, Manuel Cuiña, garantindo a prestación “dun servizo esencial para os nosos veciños e veciñas”.

Dende os servizos xurídicos do Concello estase tamén a traballar ante a nova situación do servizo.

O pasado día 30 de decembro, Cuiña e outros membros do goberno mantiveron unha xuntanza cas representantes sindicais das traballadoras para analizar cuestións técnicas relacionadas ca situación contractual da empresa concesionaria do servizo despois de que a central sindical denunciara o impago e retraso nas nóminas.

Dende o goberno municipal Manuel Cuiña explicou xa daquela que os servizos técnicos estaban a estudar distintas cuestións e que se analizará toda a documentación que presentara e o personal para tratar de dar solución á problemática existente, ademais de explicar todos os pasos dados polo Concello de Silleda dende que se coñeceron os embargos á empresa por parte da Seguridade Social.

Novas relacionadas

O PSOE cifra en 2,5 millóns as axudas directas do goberno central para o sector lácteo en Lalín

O PSOE cifra en 2,5 millóns as axudas directas do goberno central para o sector lácteo en Lalín

Alba Forno cualificou como “histórica para o sector” esta liña de apoio e subliñou a aposta decidida do goberno de Pedro Sánchez para articular respostas coas que facer fronte ao actual escenario de crise na agricultura e a gandaría. Fronte a isto, a secretaria xeral dos socialistas lalinenses denuncia “a parálise da Xunta” e lembra que “a día de hoxe non hai publicada no DOG ningunha medida a favor dos gandeiros”.